बाळाचे दूध बंद करण्यासाठी औषध?

बाळाची स्तनपान करण्याची सवय सोडवण्यासाठी करा ‘ही’ साधीसोपी युक्ती!
Pratiksha More | Maharashtra TimesUpdated: Jul 7, 2020, 7:18 PM
Subscribe
आईचं दूध हे बाळासाठी एखाद्या पोषक तत्वांपेक्षा कमी नसतं. उलट आईचं दूध योग्य प्रमाणात सेवन केलेल्या मुलांना मोठेपणी आरोग्याच्या कोणत्याही अडचणी येत नाहीत. पण कोणत्या कारणास्तव किंवा एका योग्य वयानंतर बाळाला स्तनपान करणं थांबवणं क्रमप्राप्त असतं. खाली दिलेले उपाय वापरुन तुम्ही बाळाची स्तनपानाची सवय सोडवू शकता.
when and how to stop feeding milk to baby in marathi
बाळाची स्तनपान करण्याची सवय सोडवण्यासाठी करा ‘ही’ साधीसोपी युक्ती!
बाळ जन्माला आल्यावर त्याचा सगळ्यात मुख्य आहार असतो दूध! आईच्या दुधावरच कित्येक महिने बाळाला पोषण मिळत असतं. या काळात इतर पदार्थ जास्त प्रमाणात बाळाला भरवले जात नाही. कारण या काळात बाळाची पचनसंस्था जास्त मजबूत नसते. त्यामुळे त्याला इतर पदार्थ खाऊ घातल्यास ते त्याला पचत नाहीत, शिवाय त्याचे आरोग्य सुद्धा धोक्यात येते. त्यामुळे पहिले काही महिने बाळाला दुधच पाजावे हे जाणकार सुद्धा सांगतात. या महिन्यात सर्व अत्यावश्यक तत्वे दुधातून मिळाल्याने बाळ बऱ्यापैकी सशक्त होते आणि एव्हाना त्याची पचनसंस्था सुद्धा मजबूत होते.

या महिन्यानंतर मात्र बाळाला आईचे दूध देणे कमी करावे कारण एव्हाना त्याला समज आलेली असते आणि जर दूध पाजणे कमी केले नाही तर त्याला सवय लागून पुढेही तो दुधाचा हट्ट करू शकतो. म्हणून बाळाचे दुध वेळीच सोडवणे गरजेचे असते. पण ते कसे सोडवावे हे अनेक पालकांना माहित नसते. तुम्हालाही नसेल माहित तर आता काळजी करू नका, कारण या संदर्भात सर्व माहिती तुम्हाला मिळेल या विशेष लेखात! चला तर जाणून घेऊया.
दूध कधी सोडवावे?

जेव्हा आई बाळाला स्तनपान करते तेव्हा आई आणि बाळाचे नाते मजबूत होते. याशिवाय त्या दुधातून बाळाला पोषण सुद्धा मिळते. म्हणून बाळाचे दूध सोडवण्यापूर्वी ते सोडवण्याचा योग्य काळ कोणता हे तुम्हाला माहित असायला हवे. बाळाच्या वायची किमान 1 वर्षे झाल्यावर त्याचे दूध बंद करणे योग्य ठरते. पण याची सुरुवात 1 वर्षे पूर्ण होण्याआधीच करायला हवी. कारण अचानक बाळाचे दूध बंद करता येत नाही, न बाळ त्यासाठी अनुकूल असले. म्हणून हळूहळू सवय कमी करून बाळ 1 वर्षाचे झाल्यावर पूर्ण दूध बंद करणे चांगले!

(वाचा :- Strict Parents असलेल्या मुलांना भोगावे लागतात हे दुष्परिणाम!)
बाळाचे दूध कसे बंद करावे?

वर सांगितल्याप्रमाणे तुम्ही अचानक बाळाचे दूध बंद करू शकत नाही. तुम्हाला हळूहळू त्याची सवय कमी करावी लागेल. असे केल्याने बाळ स्वत:च ही सवय सोडेल आणि दूध विसरून जाईल. अनेक जण बाळाला अचानक दुधाशिवाय इतर पदार्थ खाऊ घालतात आणि दूध बंद करतात. पण ही गोष्ट बाळाला कधीच रुचत नाही. बाळाला हळूहळू जास्त ठोस आहार भरवला सुरुवात करावी आणि हळूहळू दुधाचे प्रमाण कमी करत जावे. बाळाला एकदा का ठोस आहाराची सवय कळली की तो स्वत:हून दूध सोडेल.

(वाचा :- ‘या’ सहज उपलब्ध होणा-या औषधी वनस्पती करतात लहान मुलांच्या त्वचेचे संरक्षण!)
काय खाऊ घालावे?

बाळाचे दुध सोडवण्याकरता त्याला त्या प्रकारचे पदार्थ सुद्धा खायला घालावेत. पदार्थ जेवढे चांगले असतील तेवढ्या लवकर बाळ दुधाची चव विसरून जाईल आणि ते पदार्थ खाण्याचा आग्रह स्वत:हून करेल. सर्वात प्रथम त्याला फळे खायला द्यावीत. नासपती, केळे यांपासून तुम्ही सुरुवात करू शकता. फळे ही पौष्टिक असतात आणि बाळ ती सहज पचवू सुद्धा शकते. बाळाला कधीच जबरदस्तीने भारावू नये. तो जे खातोय तेच त्याला खाऊ द्यावे.

(वाचा :- तुमचं मुल अभ्यासात कमजोर आहे? हे सुपरफूड्स वाढवतील त्याची बुद्धीमत्ता!)
कधीपर्यंत बाळाला दुध पाजावे?

बाळ एक वर्षाचे होईपर्यंत आईचे दुध बाळाच्या शरीरासाठी हाइड्रेशनचा मुख्य स्त्रोत असतो. म्हणून या काळात बाळाला दुध पाजण्याचा सल्ला दिला जातो. तुम्ही कोणत्याही जाणकाराचा सल्ला घेतला तर ते हेच सांगतील की बाळ एक वर्षाचे होईपर्यंत त्याला दुध हे पाजत राहा. त्यामुळे बाळाचे आरोग्य संतुलित राखण्यासाठी आणि त्याला सुदृढ ठेवण्यासाठी 1 वर्षापर्यंत अवश्य स्तनपान करा. यामुळे त्याच्या शरीराला आवश्यक असणारी पोषक तत्वे मिळत जातील.

(वाचा :- मुलांना जबरदस्ती जेवण खाऊ घालताय? मग होतील हे दुष्परिणाम!)
या काळात दुध सोडवू नये

बाळ जर आजारी असले आणि त्याला दात येत असतील तर त्याचे दुध सोडवण्याचा प्रयत्न अजिबात करू नका. या दरम्यान त्याला ठोस आहारापेक्षा आईच्या दुधाची सर्वाधिक गरज असते. बाळ जोवर स्वस्थ होत नाही आणि पुन्हा पहिल्यासारखे हसत खेळत राहत नाही तोवर त्याचे दुध सोडवू नये. तर मंडळी आता तुम्हाला कळले असेलच कि या गोष्टीबद्दल माहिती असणे किती गरजेचे आहे, चला तर तुम्ही सुद्धा ही माहिती आपल्या ओळखीच्या लोकांना पाठवा आणि त्यांना सुद्धा याबद्दल जागरूक करा.